?>

Milano, 29 maggio 1973

Brutt tarpan d’un barbacan ch’en sei altr,
    el sai co’ t’ dig? Temp d’ vita mia, m’ possa roda i ogna, en ho mai vist invèl un buzzur compagn d’ te! Sol a pensacc, m’ vien l’innausa e m’ scappa d’ gomità.
    Tutti i ann, quand c’artrovamm ti paês nostri per la magnata d’i ucei, pararia ch’ sei el fratel mia carnal, miga sôl cugin, da quant sei bon e câr. Fai veda ma tutti ch’ t’ da gust a sta sa me, m’ fai nì ten casa e m’ fai ‘na mucchia d’ navl. E po’, apena ch’ semm arnuti ognun tla città sua, chi s’è vist s’è vist e del por Vitorio non  t’arcordi manc ‘na mulichina. Tant’è vera che, quand t’ho mandât i auguri d’ l’ bon Fest, t’ha sapût fatiga d’arispond e m’hai fatt armann comm un coiòn, dumiliât e declinît. Mustra che d’ me non t’ n’ frega propri gnent. E alora, co’ s’ha da dì, co’ s’ha? ‘Na robba sola: ch’ sei un gran falz e un gran bugiard, pegg d’ Giuda!
    Pia su e porta a casa! Flicia sera ma la sora Laura e ma i fioi tua: ma te, gnent!
Vitorio